Movqe.Az bildirir ki, Pakistanda qız uşaqlarının oxuması üçün 3 il əvvəl açdığı bloqda yazılar yazan, BMT-nin dəstəyini alan və keçən il Beynəlxalq Uşaq Barış Mükafatına namizəd göstərilən 14 yaşlı Malala Yusufzai məktəbdən çıxıarkən vurulub. Polislər, dünən Minqora şəhərindəki məktəbə saqqallı bir adamın gəlib Yusufzaini soruşduğunu, sonra isə məktəb avtobusundan Yusufzaini düşürdərək ona atəş açdığını açıqlayıb. Başından və boynundan vurularaq yaralanan Yusufzai vertolyotla Peşaverdəki bir xəstəxanada müalicə altına alınıb. Vəziyyətinin stabil olduğu açıqlanıb. Lakin hadisə zamanı vurulan bir başqa qız uşağının vəziyyətinin ciddi olduğu bildirilib. Taliban spikeri Ahsanullah Ahsansa hücumu boynuna götürdüklərini bildirib. Yusufzainin səylərini "ədəbsiz" olaraq xarakterizə edən spiker, bu vəziyyətə son qoymaq üçün hücumu təşkil etdiklərini söyləyib. Hələ 11 yaşındaykən BBC Urduca xidmətində başqa bir ləqəblə bloq yazmağa başlayan və qız uşaqlarının oxudulması üçün kömək istəyən Yusufzainin çağırışıyla keçən il Svat vadisində UNICEF-in dəstəyi ilə bir uşaq məclisi təşkil edilib. Bu məclisə başçılıq edən Yusufzai, BMT-nin rəsmi internet saytında nəşr olunan məqaləsində, "qız uşaqlarının təhsilinə dəstək olaraq, çox əhəmiyyətli bir mövzuya qatıldığını" vurğuıayıb.