Movqe.Az bildirir ki, Zimbabvenin "Marange" mədənində son 4 ildə milyonlarla dollar dəyərində almazın oğurlandığı iddia edilir. "Partnership Africa Canada" (PAC) qrupundan verilən məlumata görə, Zimbabvedə son dövrlərdə baş verən almaz oğurluğu "Britaniya müstəmləkə talanından sonra edilən ən böyük soyğundur." PAC-ın hesabatında, "Marange"da baş verən soyğunlarla Zimbabve hökumət rəsmilərinin, qiymətli daş tacirlərinin və yerli ortaqların zəngin olduqları vurğulanıb. PAC-ın "Nə əkərsən, onu da biçərsən: Zimbabve Marange Almaz Mədənidəki acgözlük və korrupsiya" adlı hesabatı, hökumətin Viktoriya şəlaləsində təşkil etdiyi "Almaz Ticarəti Konfransı"na uyğun gətirilməsi diqqətlərdən qaçmayıb. Digər tərəfdən Zimbabveli rəsmi səlahiyyətlilər, oğurluq hadisəsini yalanlayıb. Almazın qaynağını araşdıraraq, terrora maliyyə axınının qarşısını almaq üçün beynəlxalq almaz ticarətini müşahidə edən "Kimberley prosesi",  Zimbabvenin qiymətli daş ticarətinə qoyulan embarqonu 2011-ci ildə qaldırmışdı. Zimbabvenin "Marange" mədəni dünyanın ən çox qazanc əldə edilən mədənlərində biridir.