Neftlə bağlı yeni qanuna etiraz edilib
Movqe.Az bildirir ki, Braziliyada neft
gəlirləri xalqı bir-birinə qatıb. Neft gəlirlərini digər
əyalətlərlə paylaşmaq istəməyən minlərlə Rio De Janeriolu etiraz
nümayişi təşkil edib. Karnavalıyla məşhur Braziliyanın Rio De
Janerio şəhəri bu dəfə də nəhəng etiraz nümayişlərinə səhnə olub.
Neft gəlirləri qanununda ediləcək dəyişikliyə etiraz edən Riolular
küçəyə tökülüb. Neft gəlirlərini digər əyaletlərlə paylaşmaq
istəməyən Riolular səslərini Dövlət Başçısı Dilman Russefə
eşitdirməyə çalışıblar. Nümayişçilər, neft çıxarmağın
çətinliklərini yaşamayanların gəlirdən pay almasının ədalətli
olmayacağını bildiriblər. Etirazçılar, yeni qanunla gəlirlərinin
azalacağını, bunun da Rio de Janeironun ev sahibliyi edəcəyi 2014
Dünya Futbol Kuboku və 2016 Olimpiya Oyunlarına mənfi təsir edə
biləcəyini vurğulayıblar. Yeni qanun, Braziliyadakı bütün
əyalətlərin neft gəlirlərindən aldıqları payın 20 faiz nisbətində
bərabər tutulmasını nəzərdə tutur. Məclisdən keçən qanun, son
mərhələ olaraq həftə sonunda Dövlət Başçısı Dilman Russefin
təsdiqinə təqdim ediləcək.