Sloveniya yeni Prezidentini seçdi
Movqe.Az bildirir ki, Sloveniyadakı
Prezident seçkilərini keçmiş Baş Nazir Borut Pahor qazanıb.
Səslərin 67,4 faizini yığan Pahor, ölkənin dördüncü Prezidenti
olub. Sloveniya Dövlət Seçki Komissiyasının açıqladığı nəticələrə
görə, seçkinin ikinci turunda keçmiş Baş Nazir Borut Pahor 67,4
faiz səs, Prezident Danilo Turek isə səslərin ancaq 32,5 faizini
yığıb. Bu nəticə ilə Borut Pahor, Milan Kuçan, Yanez Drnovşek və
Danilo Tuerkdən sonra Sloveniyanın dördüncü prezidenti seçilib.
Seçkilərdə iştirak nisbəti 42 faiz olub. Seçkilərdə iştirakın aşağı
olmasının səbəbi, havanın pis olması və Sloveniya vətəndaşlarının
demokratik prosesi və dövlət təşkilatlarına qarşı olan etibarsızlıq
kimi qiymətləndirilir. Köhnə Yuqoslaviyadan ayrılaraq 1991-ci ildə
müstəqilliyini elan edən Sloveniyada bu səhər 3 min 300 seçki
məntəqəsində təxminən 1,7 milyon seçici ölkənin yeni Prezidentini
seçmək üçün sandıq başına gedib.