Uşaq pornoqrafiyasına qarşı ittifaq yaradılıb
Movqe.az xəbər verir ki, İnternet üzərindən
uşaqlara yönəlmiş cinsi istismara qarşı rəsmi bir ittifaq yaratmaq
məqsədiylə 48 ölkənin nümayəndəsi Belçikanın paytaxtı Brüsseldə
görüşüb. Yığıncaqla əlaqədar məlumat verən Avropa Birliyi Daxili
İşlər Komissarı Cecilia Malmström, dünyada hər il internet
üzərindən göndərilən 1 milyon uşaq porno fotoşəkili tapıldığının
təxmin edildiyini və buna hər il 50 min yeni fotoşəkilin daxil
olduğunu söyləyib. Malmström, "Bu şəkillərin hər birinin arxasında
istismara uğramış bir uşaq və çarəsiz bir qurban var" deyib.
Brüsseldə yaradılacaq rəsmi ittifaqın, uşaq istismarı qurbanlarının
müəyyənləşdirilməsi və xilas edilməsi, təqsirkarlar haqqında qanuni
nəzarətin başladılması, bu mövzuda cəmiyyət şüurunun artırılması və
internetdəki uşaq pornoqrafiyasına daxilolmanın azaldılması
mövzularına yönəldilməsi gözlənilir.