Soyuq hava nəticəsində ölənlərin sayı artır
Ukraynada 130 ilin ən soyuq qışı 37 nəfərin ölümünə səbəb olub.
Movqe.Az bildirir ki, Şərqi Avropa və
Balkan ölkələri qışı iliklərinə qədər hiss etməyə başlayıb.
Ukraynanın hər tərəfi şiddətli qar fırtınasıyla ağ rəngə boyanıb.
Yağan qar nisbəti son 130 ilin rekordu olaraq ölçülür. Qar
dondurucu soyuqları da özü ilə gətirib. Son 24 saatda soyuqdan 37
adam həlak olub. Ölənlərin çoxunu küçələrdə yaşayan evsizlər təşkil
edir. Temperatur gecələr mənfi 28 dərəcəyə qədər enir. 2 gündür
fasiləsiz yağan qar, Rumıniya və Moldovada da həyatı iflic edib.
Rumıniyanın qərbində qarın qalınlığı bir metrə çatıb. Avtomobillər
yollarda qalıb. Makedoniyanın paytaxtı Skopyedə sıx duman səbəbiylə
Böyük İskəndər Hava limanındakı uçuşlar dayandırılıb. Bolqarıstanda
isə yağan qar qış turizmini canlandırıb. Tətilə gələnlərin sayı
artaraq otellər dolub. Balkan ölkələrində qarın artması gözlənilir.