Bakıda avtomobil dayanacağının uçması faktı ilə bağlı cinayət işi açılıb.

Xətai rayon polis idarəsindən verilən məlumata görə, hadisə tikintidə daş hasarın bərkidilməsi işləri zamanı hasarın uçması nəticəsində baş verib. Nəticədə tikintidə işləyən ustalardan Hacıyev Nicat Əlibala oğlu, Alıyev Firqət İsmayıl oğlu və Dadaşov Samir xəsarət alıb. Ələsgər Qurbanovun isə aldığı yara ağır olduğundan hadisə yerində dünyasını dəyişib.

Xatırladaq ki, hadisə bugün səhər saatlarında "Azuri parkinq" şirkəti tərəfindən Nobel prospekti, 15 ünvanında yeraltı dayanacağın tikintisi zamanı qeydə alınıb.