Bakıda sərnişin avtobusu yenə qəza törətdi
Ötən gün Bakının Binəqədi rayonu ərazisində sərnişin avtobusu
ölümlə nəticələnən yol qəzası törədib. Binəqədi rayon Polis
İdarəsindən verilən məlumata görə, Ramiz Məmməd oğlu Əhmədov
idarə etdiyi "Otoyol" markalı avtobusla qadını vurub. Qəza
nəticəsində piyada Vəfa Arif qızı Zahidova ağır yaralanıb. Onu
xəstəxanaya çatdırsalar da, həkimlər qadının həyatını xilas edə
bilməyiblər.