Movqe.az xəbər verir ki, Amerika firmasına aid Intelsat-27 (IS-27) rabitə peyki daşıyan Rusiya istehsalı Zenit-3SL raketi atışından qısa müddət sonra, qəza səbəbi ilə Sakit okeana düşüb. Raketin fövqaladə vəziyyət sisteminin hərəkətə keçdiyi və ilk mərhələdə mühərriki avtomatik olaraq dayandırdığı bildirilib. Rusiya Kosmos Şirkəti RKK Energia rəhbəri Vitali Lopota, "uçuşdan 50 saniyə sonra mühərrik avtomatik olaraq bağlanıb. Yaratdığımız komissiya ilə qəza səbəbini araşdırırıq. " deyib. Üç hissəli quruluşdan ibarət olan Zenitin ilk hissəsinin RD-171də "Energomash" tərəfindən tədarük edildiyi, qəzanın da bu sahədə meydana gəldiyi yazılır. Qəzaya bölgədə yaşanan şiddətli küləklərin səbəb olmuş ola biləcəyi də deyilir. Ria Novostiyə şərh verən səlahiyyətlilər raketin düşdüyü sahənin Odiyssey platformasından çox uzaq olmadığını, lakin hər hansı bir zərərin yaşanmadığı məlumatını verib.