Bu gündən Bakı şəhərinin Binəqədi rayonunda qeydiyyatda olan vətəndaşlar Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan 1 saylı Bakı "ASAN xidmət" Mərkəzinin xidmətlərindən yararlana biləcək.  Bu barədə Movqe.az-a "ASAN xidmət" Mərkəzindən məlumat verilib.
Vətəndaşlar həmçinin fevralın 1-dən fəaliyyətə başlamış Vətəndaşlara Xidmət və Sosial İnnovasiyalar üzrə Dövlət Agentliyinin 108 nömrəli "Çağrı" mərkəzinə stasionar (ev, iş) telefonlardan birbaşa zəng etməklə də xidmətdən istifadə edə, əlavə məlumatlar ala bilərlər. "108"ə edilən zəng və aparılan danışıq, habelə "Çağrı" mərkəzi tərəfindən göstərilən bütün xidmətlər ödənişsizdir.