Azərbaycan XİN Serqey Narışkinə cavab verdi

11 Fevral 2013 18:35 (UTC+04:00)
Dağlıq Qarabağ münaqişəsinin həlli prosesində  irəliləyiş yalnız Ermənistanın işğal edilmiş Azərbaycan ərazisindən öz silahlı qüvvələrini çıxartdıqdan sonra mümkün ola bilər. Münaqişənin həll edilməsi üçün mütləq Ermənistan Azərbaycanın işğal etdiyi ərazilərini boşaltmalıdır".
Bu sözləri Movqe.az-a Rusiya Dövlət Dumasının sədri Serqey Narışkinin Ermənistanla Azərbaycan arasında sülh razılaşması üzərində işdə maneənin referendumun keçirilməsi olduğu ilə bağlı səsləndirdiyi bəyanata cavab olaraq Azərbaycan Xarici İşlər Nazirliyinin  mətbuat katibi Elman Abdullayev söyləyib. E. Abdullayev bildirib ki, bu məsələdə Azərbaycanın mövqeyi bəllidir və işğal edilmiş torpaqlarımızdan Ermənistanın öz silahlı qüvvələrini çıxartması şərtdir.
Qeyd edək ki, Dövlət Dumasının sədri Serqey Narışkin  Dağlıq Qarabağda referendumun keçirilməsinin vacibliyini Parisə işğüzar səfər çərçivəsində Fransa Milli Yığıncağının deputatları ilə görüşdə bəyan etmişdi.