Lerik rayonunda yaşayış evində yanğın hadisəsi baş verib.
Bu barədə Gün.Az-ın bölgə müxbirinə
Fövqəladə Hallar Nazirliyinin Lerik Rayon Yanğından Mühafizə
Hissəsindən məlumat verilib.
Bildirilib ki, hadisə dünən axşam saat 20:30 radələrində rayonun
Veri Əliabad kənd sakini, 34 yaşlı Ceyhun Bəxtiyar oğlu Rəhimova
məxsus birmərtəbəli fərdi yaşayış evində qeydə alınıb.
Hadisə yerinə iki yanğınsöndürən maşın göndərilməsinə baxmayaraq,
rayon mərkəzindən 40 km uzaqda yerləşən kəndə ancaq bir maşın çata
bilib.
Yanğının qarşısı alınsa da, ümumi sahəsi 96 kv.m olan 2 otaqlı ev
içərisindəki məişət əşyaları ilə birlikdə 20 kv.m sahədə
yanıb. Yanğına odun sobasından çıxan qığılcımın səbəb olduğu
versiyası irəli sürülür.
Yanğının dəqiq baş vermə səbəbləri ilə bağlı FHN-in Lerik Rayon
Yanğına Nəzarət Hissəsində araşdırma aparılır.