Taylandda doqquz cütlük sabahkı "Sevgililər günü"ndən əvvəl ən uzun öpüşmə rekordunu qıraraq "Guinness" rekordlar kitabına girmək üçün bir yerə yığışıblar. Movqe.Az-ın məlumatına görə, yarışmada ən çox diqqətləri çəkənlər isə 50-ci evlilik ildönümünü qeyd edən cütlük olub. 74 yaşındakı Bunjed Yomjinda və 72 yaşındakı yoldaşı Suvanna Yomjinda yalnız bir saat öpüşə biliblər. Pattaya şəhərində keçirilən bu yarışda rekordu 50 saat 25 dəqiqə 1 saniyə ilə əlində tutan homoseksual cütlük də öz rekordlarını bir addım irəli daşımaq üçün yarışırlar. Rekoru qırmağı bacaran cütlük, 3 min 300 dollar nağd pul və iki almaz üzüyün sahibi olacaq.