Texnologiya nəhəngi "Apple", qiymətinin yüksək olması ilə bağlı tənqidlərə məruz qaldığı "MacBook Pro" kompüterlərinin ekran texnologiyası "Retina display" xüsusiyyətinə sahib olan modellərində endirim etdiyini bildirib. Movqe.Az-ın məlumatına görə, yeni qiymətlər əvvəlkinə nisbəyən 200 dollar daha ucuz olacaq. Şirkətdən verilən məlumata görə, 13 inç olan "MacBook Pro" qiymətinin 1699 dollardan 1499 dollara salındığı söylənilib. Eyni məhsulun bir üst modeli isə 1699 dollardan satışa çıxarılacaq. "MacBook"un daha sürətli prosessorlara sahib 15 inçlik modeli də 1699 dollara düşüb. Keçən il satışa çıxarılan yeni "MacBook Pro" modelləri normal sabit disklərdən çox daha sürətli əməliyyat edən "flash memory" xüsusiyyətinə sahibdir. Ondan əvvəlki nəsil "MacBook"lara görə daha incə və sürətli olan bu modellər, yüksək qiymətləri və aşağı disk tutumlarına görə tənqidlərə məruz qalıb. Endirimin digər ölkələrdə də gələcək aylarda tam olaraq olmasa da 100 dollar düşməsi gözlənilir.