Aytəni döyən futbolçu: "Arvad mənimdir, özüm bilərəm!”

2 İyun 2017 12:10 (UTC+04:00)

“Neftçi”, “Turan” və MOİK-in sabiq futbolçusu nigeriyalı Erik Obidikenin azərbaycanlı həyat yoldaşı Aytən Obidikeni vəhşicəsinə döydüyü barədə xəbərlər yayılıb.

Movqe.az-ın məlumatına görə, “Qafqazinfo”ya açıqlama verən keçmiş müdafiəçi məsələyə aydınlıq gətirib.

O, həyat yoldaşı ilə arasında problem olduğunu, lakin mətbuatda yazılanların şişirdildiyini bildirib: 

“Yoldaşlımla aramda problemlər var. Amma bu yazılanlar qədər şişirdiləcək məsələ deyil. Aytəndən də soruşdum və dedi ki, "heç kimə bu barədə danışmamışam". Hansı kişi deyə bilər evində problem olmur?! Dalaşmışıqsa da, arvad mənimdir, özüm bilərəm! Başqa adama problem yaratmamışam ki? Guya, azərbaycanlı kişilərlə arvadları arasında mübahisə, dava-dalaş olmur? Dalaşdığımız düzdür, amma bu qədər də yox”.

Qeyd edək ki, cütlüyün Rəvan və Mələk adında iki övladları var.