“Apple” 10-cu ilində bazara yeni və unikal “iPhone”modeli çıxaracaq. Movqe.az xəbər verir ki, “Samsung Galaxy S8”-ə rəqib olacağı, hətta onu kölgədə buraxacağı proqnozlaşdırılan bu modelin OLED panelli 5.8 düym ekrana sahib olması ehtimalı böyükdür. Ekran/gövdə nisbətinin də artacağı gözlənilir. Artıq sözügedən “iPhone” iOS 11-in konseptual görünüşü paylaşılıb. Ekran düyməsi aradan qaldırılmış yeni “iPhone” cüt ön kameraya malik olacaq. Telefonun arxasında da alt-alta cüt kamera var. Bu kamera “3D” formatında video qeydə ala biləcək. Cari ilin sentyabr ayında təqdimatı nəzərdə tutulan modelin qiyməti də az deyil. İddialara görə, 128 GB-lıq yeni “iPhone” 870, 256 GB olan model isə 1.070 dollardan satışa təqdim ediləcək.
Mübariz BAYRAMOV