Məlumdur ki, limonun tərkibinin əsas hissəsini su və limon turşusu təşkil edir. Lakin bununla yanaşı, bu meyvədə orqanizm üçün çox vacib olan vitaminlər mövcuddur. Limonda ən çox orqanizmdə maddələr mübadiləsinin düzgün getməsində və toxumaların qidalanmasında əvəzsiz rol oynayan vitamin C var. Bundan başqa limonun tərkibi A, B1, B2, D və bütün sitrus meyvələri üçün xas olan sitrin(vitamin P) maddəsindən də ibarətdir.
Öz kimyəvi tərkibinə görə bu meyvə yüksək bioloji aktivliyi və müalicəvi xüsusiyyətləri olan mürəkkəb fenol birləşmədir. Mineral duzlar və limon turşusu ilə zəngin olduğuna görə istifadəsi orqanizm üçün vacib və əhəmiyyətlidir.
Yuxarıda sadalanan bütün bu xüsusiyyətlər limonu insan orqanizmi üçün əvəzsiz qida məhsulu, qiymətli dərman və kosmetik vasitəyə çevirir.
Limon güclü antiseptik xassələrə malikdir. Əqrəb sancmasının tez-tez baş verdiyi Misirdə
insanlar limonu yarı bölüb, yarısını sancılan yerə qoyur, digər yarısını isə sorurlar.
Limonun şirəsi aterosklerozda, mədə-bağırsaq xəstəliklərində, sidik daşı xəstəliyində, maddələr mübadiləsi pozulmasında, hemaroy və digər xəstəliklərdə məsləhət görülür. 2/1 stəkan qaynar suya yarım limonun şirəsini əlavə edib, gündə 2-3 dəfə içmək olar.
Angina, ağız boşluğu və udlağın iltihabı zamanı suya qatılmış (0,5 limon 1/2 stəkanda) limon şirəsi ilə qarğara etmək faydalıdır. Şirəni həmçinin, dəridə olan göbələk xəstəliklərində xaricə istifadə etmək olar.
Öd daşı xəstəliklərində gün ərzində 1,5 litr kök, çuğundur və xiyar şirəsinin qatışığı ilə 10-12 stəkan limon şirəsi içmək faydalıdır. Bunu içdikdən 1-2 gün sonra 10-15 dəqiqəlik güclü ağrılar baş verir. 6-7-ci gün isə güclü ağrılar azalır, sonra tamamilə dayanır və nəhayət, daş yox olur. Çox güclü ağrılar olanda ağrıkəsicilərdən istifadə etmək lazımdır.