Bu gün Barselonada dünyanın ən böyük mobil sərgisi olan "Mobile World Congress" (MWC) başlayıb. Günün ilk sürprizi isə "Samsung"dan gəlib. Movqe.Az-ın məlumatına görə, "Samsung" aylardır gözlənilən yeni planşeti "Galaxy Note 8"i tanıdıb. 8 düym ekran ölçüsünə sahib olan "Note 8" dizayn olaraq gözlənilənləri doğruldub. Tək əllə rahatlıqla tutula bilən cihazın daşınması və istifadəsi çox rahatdır. "S Pen"in olduğu cihazda Android 4.1.2 Jelly Bean əməliyyat sistemi var. Bundan əlavə, "Wi-Fi" və "3G" variantları da mövcuddur. Cihazda 1280x800 ekran həll olma dəqiqliyi var və "TouchWiz" interfeysi istifadə edilir. Cihazda təchizat olaraq 1.6 Ghz dörd nüvəli A9 prosessor 2 GB RAM var. Bluetooth 4.0 və GPS də xüsusiyyətlər arasındadır.Cihaz 16 GB və 32 GB daxili yaddaş olmaq üzrə iki variantlı bazara çıxarılacaq.