Səma alimləri, 2014-cü ildə dünyanın yaxınlarından keçəcək bir quyruqlu ulduz aşkar ediblər. Movqe.Az "Discovery News"a istinadən bildirir ki, ancaq kosmik cismin toqquşma ehtimalı olacaq planet bu dəfə evimiz deyil, qonşumuz marsdır. Günəş Sistemi, 2014-cü ildə bir quyruqlu ulduzun keçişinə şahid ola bilər. Günəşin 50 min astronomik vahidi (AU) uzaqlığında yığılan buzlaq kosmik cisimləri ehtiva edən Oort buludundan gələn bir quyruqlu ulduzun, 2014-cü ildə marsın yanından çox yaxın keçəcəyi ifadə edilib. Orbiti hesablanmağa çalışılan kosmik cismin, Qırmızı Planetə çarpma ehtimalı da var. "C/2013 A1" adı verilən quyruqlu ulduz, 19 oktyabr 2014-cü ildə marsla toqquşa bilər. Oort buludu və ya Opik-Oort buludu, günəş sisteminin ətrafını bürüdüyü düşünülən və milyardlarla quyruqlu ulduz nüvəsini ehtiva edən bir quruluş olaraq qəbul edilir. Günəşə məsafəsi 1 işıq ili (10 trilyon km) olan kosmik quruluşun, günəş sisteminin ilk zamanlarında meydana gəldiyi düşünülür. Quyruqlu ulduzların, keçmişdə də günəş sistemindəki planetlərə çarpdığı bilinir. Ağıllarda qalan ən böyük toqquşma 1994-ci ildə "Comet Şomeyker-Levy 9" quyruqlu ulduzunun 16-22 iyul tarixləri arasında Yupiterə parçalar halında çarpması olub. 17 may 1994-cü ildə çəkilən fotoşəkildə, 21 parçaya ayrılmış "Comet Şomeyker-Levy 9" quyruqlu ulduzu görülür. Günəş sisteminin meydana gəlməsindən bu yana yupiter saysız quyruqlu ulduz və meteorla toqquşmağa məruz qalıb. Kosmik sistemdə quyruqlu ulduzların həyat üçün əhəmiyyətli bir rol oynadığı, hətta suyun dünyaya quyruqlu ulduzlarla daşındığı düşünülür.