Sabir Vəliyev: "Bazarlarla müqayisədə yarmarkalarda satılan hər növ məhsul 20-25% ucuz olacaq"
Novruz bayramı xalqımızın tarixi köküilə bağlı olduğundan adət-ənənələrlə zəngindir.Novruzun süfrəsi də fərqlidir. Belə ki, hamı öz Novruz süfrəsinin daha fərqli, gözəl ən əsası isə bol olması üçün çalışır. Hərə öz omkan daxilində bu prosesi reallaşdırmağa çalışır. Bu zaman alıcılar daha çox məhsul alıb az pul xərcləməyə, satıcılar isə daha az məhsul satıb çox pul qazanmağa cəhd edir. Bəzi bazarlarda bayram bahalaşması artıq indidən özünü büruzə verməkdədir.
Kənd təssərüfatı üzrə ekspert Vahid Məhərrəmov Mövqe.az-a açıqlamasında Noruz bayramı ərəfəsi bazarlarda olan bahalaşmanın səbəblərindən danışıb: " Səbəblərdən biri ondan ibarətdir ki, bu mövsümdə kənd təəssərüfatı məhsulu istehsal olunmur. İndi bazarda ehtiyac olan məhsullar saxlama kameralarından və ya anbarlardan gətirilir. Saxlanma prosesi zamanı kənd təssərüfatı məhsulunun saxlanması üçün fermerlər müəyyən vəsait ödəyirlər. Öncə bununla bağlıdır. Daha sonra onu qeyd edə bilərəm ki, Azərbaycanda təəssüflər olsun ki, özümüzün istehsal etdiyimiz məhsul, öz istehlak tələblərimizi tam ödəmir. Məhsulun bir hissəsi xaricdən idxal olunur. Onu da deyim ki, çox zaman bizdə kənd təəssərüfatı məhsulunun 20%-i xarab olur, satılmır. Baxın, o zaman kənd təssərüfatı məhsulunun qiyməti artır ki, alıcılıq qabiliyyəti yüksək olur. Amma azərbaycanda daha çox satan var nəinki alan... Bu zaman da qiymətlər bazarda yüksək olur. Alıcılıq qabilliyyəti aşağı olsa da, nə qədər şəhərdə marketlər fəaliyyət göstərir. Balans pozulub. Satanlar da daha çox gəlir əldə etmək üçün süni qiymət artımına yol verirlər. Satış güclü olardısa, satışla məşğul olan sahibkarlar dövriyyədən gəlir əldə edərdi nəinki hər hansı bir məhsulun dəyərini artırmaqla... Ölkə balaca olduğu, sahibkarların çox olduğu üçün dövriyyədən gəlir götürmək bu gün çətindir".
Ekspert bildirir ki, İrandan, Türkiyədən idxal olunmuş məhsullar fermerin istehsal etdiyi məhsul kimi keyfiyyətli olmur: "Niyə biz özümüzü aldadırıq? Neçə illərdir bu yarmarkalar fəaliyyət göstərir? Biz istədiyimiz nəticəyə nail ola bimişikmi? Xeyr. Bugünki yarmarkalarda anti-sanitariya, çəkidə aldatma halları görürük. Hökumət məmurları gəlib bir qiymət qoyur, onlar getdikdən sonra satıcı qiyməti artırır. Biz kifayət qədər monitorinq keçirib, bunların şahidi olmuşuq".
İqtisadi İnkişaf Nazirliyinin mətbuat katibi Abbas Əliyev Novruz bayramının yaxınlaşması ilə əlaqədar aparılan hazırlıq prosesləri barədə Movqe.az-a danışıb: "Novruz bayramının yaxınlaşması ilə əlaqədar olaraq İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətiistehlak bazarına nəzarət tədbirlərini daha da gücləndirəcək. Eyni zamanda dövlət xidməti aidiyatı dövlət qurumları və sahibkarlarla birlikdə Bakının müxtəlif yerlərində yarmarkaların təşkilini nəzərdə tutur. Hazırda bu işlər üçün hazırlıq prosesi gedir. Ümumilikdə, dövlət xidməti tərəfindən aparılan monitorinqlər mütəmadi və daimi xarakterlidir. Bayramın yaxınlaşması ilə əlaqədar bir sıra ərzaq məhsullarına artan tələbatı nəzərə alaraq xidmət istehlak bazarına nəzarəti daha da gücləndirəcək".
Kənd Təsərrüfat Nazirliyinin şöbə müdiri Sabir Vəliyev isə bayram öncəsi keçiriləcək olan yarmarkalardan danışıb: "Bayram yaxınlaşdıqda monitorinqlər mütləq aparılacaq. Bazarlarla müqayisədə yarmarkalarda satılan hər növ məhsul 20-25% ucuz olacaq. 2007 ci ildən bu yana ölkə prezidentinin bu barədə tapşırığı var. Hər il də biz bu tapşırığı yerinə yetiririk. Süni qiymət artımına yol verilməyəcəyik. İqtisadi İnkişaf Nazirliyi ilə birlikdə bu tədbirlər həyata keçiriləcək. Novruz bayramı üçün təşkil olunan yarmarkalar martın 16-dan başlayaraq hər şənbə və bazar günləri təşkil olunacaq. Bayramda isə 5 gün fasiləsiz olacaq. Artıq bizim mütəxəssislər təhkim olunub, hazırlıq prosesləri başa çatıb. Rayonlardan gətirilən meyvə tərəvəz, bayram üçün lazım olan hər bir şey Bakıya gətiriləcək ki, əhali rahat şəkildə burda ala bilsin".
Builki yarmarkaların keçən ilki yarmarkalardan fərqli cəhətinin sadəcə daha çox bolluq olacağını vurğulayan S. Vəliyev bildirib: " Əsas odur ki, bu il daha çox bolluqdur. Əsasən də meyvə və tərəvəzdə məhsul artımı özünü biruzə verir."
Süni qiymət artıran şəxslərə sərt ismarıc göndərən S. Vəliyev onu da qeyd edib ki, istehlak bazarına İqtisadi İnkişaf Nazirliyinin nəzarəti var: "Onlar bazara nəzarət edirlər ki, süni qiymət artıranlar bura daxil ola bilməsin. Süni qiymət artıranlar ümumiyyətlə, yarmarkalardan çıxardılacaq. Əvvəlcədən monitorinq aparırıq, ərzaqların qiymətini öyrənirik və sonra yarmarkalrda onlara tapşırıqlarımızı veririk. Bazara təhkim olunmuş insanlar 20-25% aşağı qiymətlər təyin edib, satıcılara bildirəcəklər. Əgər kim göstərişlərə əməl etməsə, həmin dəqiqə yarmarkadan çıxarılacaqdır".