Fansa Milli Assambleyasının binasında ermənilər tərəfindən döyülən Parisdəki Azərbaycan Evinin sədri Mirvari Fətəliyeva ANS PRESS-ə danışıb.
O qeyd edib ki, fevralın 26-da Fransa Milli Assambleyasında Fransadakı Erməni Məsələləri Bürоsunun təşkilatçılığı, Fransadakı erməni icmasının nümayəndələri və parlamentinin bir neçə deputatının iştirakı ilə "Sumqayıt hadisələrindən 25 il sonra; hazırkı vəziyyət və Dağlıq Qarabağ xalqı üçün gələcək perspektivlər" adlı tədbirdə iştiraka əvvəldən yazılıb və təsdiq məktubu da alıb.
M.Fətəliyeva bildirib ki, tədbirə azərbaycanlı tələbə Vüsal Hüseynоvla birgə gedib və təsdiq məktubunu göstərərək zala daxil olub.
"Qondarma Qarabağ Respublikası"nın Fransa nümayəndəsi və digər çıxışlardan sonra Sumqayıt hadisələri qurbanlarının xatirəsi bir dəqiqəlik sükütla yad edildi.
Hamı mənim və Vüsalın ayağa qalxmasını tələb etdi. Mən isə bildirdim ki, bu gün Xocalı soyqırımının anım günüdür və yalnız həmin soyqırımın qurbanlarının xatirəsini anmaq üçün ayağa qalxa bilərəm.
Bundan sonra Fransa senatorları və digər şəxslərin gözü qarşısında üstümüzə hücum edildi. Vüsal qəhrəmancasına məni müdafiə etdi. Biz möcüzə nəticəsində xilas ola bildik.
Belə ki, zaldan çıxmağa çalışarkən digər zala getdik, orada isə keçmiş deputatlar və nazirlərin iştirakı ilə iclas keçirilirdi. Mən qışqırdım ki, bizi döyürlər, xilas edin. Onlar işə qarışmasaydı biz sağ qurtara bilməyəcəkdik".
O, deyib ki, bundan sonra Azərbaycan səfiri və əməkdaşları hadisə yerinə gəlib.
"Polis idarəsinə getdik, ifadə verdik, amma hələ araşdırma ilə bağlı heç bir məlumat yoxdur. Bu gün ekspertizaya gedəcəyik".
M.Fətəliyeva Vüsalın və özününü səhhətinin normal olduğunu deyib. Amma tələbələr həyatları üçün təhlükəni də istisna etmirlər.