Bu gün futbol üzrə Çempionlar Liqasının qrup mərhələsində sonuncu – VI tura start veriləcək.
Movqe.az goal.az-a istinadən xəbər verir ki, ilk oyun günündə A, B, C və D qruplarında yer alan kollektivlər üz-üzə gələcəklər.
Avropanın müxtəlif ölkələrində baş tutacaq 8 matçdan sonra 1/8 finala vəsiqə qazanan komandaların sayı 12-ə çatacaq. Sözügedən 4 vəsiqəyə 7 iddiaçı var. Bunlar "Manchester United", "Basel", MOİK, "Roma", "Atletico", "Sporting" və "Juventus" komandalarıdır.
A qrupunda MOİK-i qəbul edəcək “Manchester United”i heç-heçə də qane edir. İngiltərə təmsilçisi uduzsa belə, 1/8 finala çıxa bilər. Bunun üçün “Basel”in “Benfica” ilə səfər matçında xal itirməsi lazımdır. Rusiya klubunun taleyi isə öz əlindədir. Moskvalılar ya qalib gəlməli, ya da heç-heçə edib, “Bazel”in uduzmasını gözləməlidirlər.
B qrupunda PSG və “Bayern Munich”in qitənin ən nüfuzlu klub turnirində yollarına davam edəcəkləri dəqiqləşib.
C qrupunda “Chelsea" pley-offa erkən yüksəlibsə, “Qarabağ”ın qrup sonuncusu olması rəsmiləşib. Ağdam klubunu qəbul edəcək “Roma” qalib gəlməklə, “Chelsea”yə qoşulacaq. “Atletico” isə İngiltərədə qələbə qazanıb, italiyalıların xal itirmələrinə ümid etməlidir.
D qrupunda “Barcelona” 1/8 finala adlayıb. "Juventus" və "Sportinq" də anoloji uğura imza ata bilərlər. Portuqaliyalıları 1 xal qabaqlayan İtaliya çempionunun taleyi öz əlindədir.
Qeyd edək ki, “Bayern Munich”, PSG, “Chelsea”, “Barcelona”, “Beşiktaş”, “Manchester City”, “Real” və “Tottenham” 1/8 finala vəsiqəni təmin edib. “Anderlext”, APOEL, “Seltik” və Dortmund “Borussiya”sı pley-off şansını itirib. “Qarabağ”, “Benfica”, “Maribor”, “Monaco”, “Olympiacos” və “Feyenoord”un qrup sonuncusu olacağı dəqiqləşib.
Çempionlar Liqası
Qrup mərhələsi, VI tur
5 dekabr
A qrupu
23:45. "Manchester United" (İngiltərə) - MOİK (Moskva, Rusiya)
23:45. "Benfica" (Portuqaliya) - "Basel" (İsveçrə)
Xal durumu: "Manchester United" - 12, "Basel" - 9, MOİK - 9, "Benfica" - 0.
B qrupu
23:45. "Bayern Munich" (Almaniya) - PSG (Fransa)
23:45. "Celtic" (Şotlandiya) - "Anderlecht" (Belçika)
Xal durumu: PSG - 15, "Bayern Munich" - 12, "Celtic" - 3, "Anderlecht" - 0.
C qrupu
23:45. "Roma" (İtaliya) - "Qarabağ" (Azərbaycan)
23:45. "Chelsea" (İngiltərə) - "Atletico" (İspaniya)
Xal durumu: "Chelsea" - 10, "Roma" - 8, "Atletico" - 6, "Qarabağ" - 2.
D qrupu
23:45. "Olympiacos" (Yunanıstan) - "Juventus" (İtaliya)
23:45. "Barcelona" (İspaniya) - "Sporting" (Portuqaliya)
Xal durumu: "Barcelona" - 11, "Juventus" - 8, "Sporting" - 7, "Olympiacos" - 1.