Mobil telefonu 40 yaşında

4 Aprel 2013 17:19 (UTC+04:00)

Movqe.az xəbər verir ki, düz 40 il əvvəl bu gün, 3 aprel 1973-cü ildə Motorola şirkətində mühəndis olan Martin Cuper dünya tarixinin ilk mobil telefonu görüşünü reallaşdırıb. Təxminən 22 sm uzunluğuda, 30 dövrə kartının istifadə edildiyi Motorola DynaTAC model telefonu yalnız 10 saatda enerji yığa bilirdi. Telefonun çəkisi isə 1 kilo olub. Telefonu ilk dəfə istifadə edən Cuper ilk cib telefonunun ağırlığının 1 kilodan çox olduğunu, danışma müddətinin isə ancaq 20 dəqiqə olduğunu izah edib. Cuper, "Əslində bu müddət məncə yaxşı idi, çünki onsuz da telefonun ağırlığından ötəri daha çox əldə tutmaq olmurdu" deyib. 40 il sonra bu gün dünya telekom sektoru illik cəmi 800 milyard sterlinqlik gəlirə sahibdir. Cib telefonları ilə Foto çəkilə bilir, musiqi dinlənə bilir, oyunlar oynana bilir və bir çox xüsusiyyəti var. Həmçinin bu günki telefonlarının ağırlığı da ümumiyyətlə 100 qramdır. Bununla yanaşı Cuper, bu gün çıxarılan telefonların olduqca komplekli olmasından şikayətçidir. Smart telefonlara bir çox insan üçün bir çox xüsusiyyət qatdıqlarını söyləyə Cuper, "iPhone"un da istifadəsinin çox çətin olmasından ötəri "Apple"ı tənqid edir.