Məşhur müğənni həyəcanla gözlənilən "The Great Gatsby" filmi üçün Emy Vaynhausun "Back To Black" mahnısını ifa edib. Movqe.Az-ın məlumatına görə, Amerikalı yazıçı F.Skott Fitzceraldın eyni adlı romanından kinoya uyğunlaşdırılan "The Great Gatsby" (Möhtəşəm Gatsby) adlı film həyəcanla gözlənilir. "Qırmızı Dəyirman" və "Romeo və Culietta" filmlərinin rejissoru Baz Luhrmanın həyata keçirəcəyi layihə haqqında gələn son xəbər isə bu həyəcanı daha da atrırıb. "The Daily Mail" saytında yer alan xəbərə görə, sevilən pop müğənni Beyons, film üçün hazırlanan albomda Emi Vaynhausun məşhur mahnısı "Back to Black"i oxuyacaq. Vaynhaus ilə yaddaşlarda qalan mahnı Beyonsun ifasında həyəcanla gözlənilir. "Grammy" mükafatlı mahnının sözlərində, bir əlaqə sonrası yaşanan ürək qırıqlığından bəhs edilir.