İnternetdən izlərinizi silmək istəyirsiniz?

8 Aprel 2013 17:33 (UTC+04:00)

İnternetin inkişafıyla fərdlərin şəxsi məlumatları gedərək daha çox əlçatan olur.

İngiltərənin "The Guardian" qəzeti də bu səbəbdən 10 addımda digital izləri silmə tövsiyələri yayıb.

Qəzetin tövsiyələri bunlardır:

1. "Facebook"da gizlilik parametrlərində hər şeyi "özəl"ə çevirin;

2. "Facebook"da etiketləndiyiniz fotoları bir-bir açıb, "variantlar" bölməsindən etiketləri silin;

3. "Google Blogger" hesabınızda profilinizi silin. Beləliklə, bütün bloq yazılarınız və şərhləriniz yox olacaq.

4. "Tumblr" və ya "Wordpress" bloqunuz varsa, silin;

5. Axtarış saytlarında dırnaq içərisində ad və soyadınızı yazın. Forumlardakı şərhlərinizi silin. Qəzetlər isə bir xəbərdə adınız keçirsə, adınızı silməyi rədd edə bilər.

6. "Google"da "görüntülər" hissəsində adınızı axtarışa verin. Fotolarınızın çıxdığı saytlardan bunları silmələrini istəyin. "Flickr" kimi saytlara göndərdiyiniz fotoları da silin.

7. Adınızı davamlı axtarışa verin. Adınızın çıxdığı saytların sahibləriylə əlaqə yaradıb sildirməyə cəhd edin.

8. "Facebook", "Blogger" və "Wordpress"ə göndərdiklərinizin hələ də internet arxivində qalmış ola biləcəyini unutmayın. "İnternet Archive" saytı məzmun silmə tələblərini bir-bir nəzərdən keçirir.

9. Adınızı internetdən tamamilə silsəniz belə, qərarlı bir araşdırmaçının geridə qalan məlumatlarınızı və dostlarınızın sizdən bəhs etdiyi məlumatları araşdıraraq haqqınızda məlumat ala biləcəyini unutmayın.

10. Sizi izləyən "Google"un axtarış saytı əvəzinə sizi izləməyənləri yoxlayın.