Tom Kruzdan qeyri-adi imza

9 Aprel 2013 16:37 (UTC+04:00)

Tayvanda Hollivud ulduzu Tom Kruz ilə müsahibə aparan türk şoumen Rıfat Karlova, Kruzdan başına imza atmasını istəyib. Movqe.Az-ın xəbərinə görə, Tayvanlılar, Hollivud ulduzu Tom Kruzun, məşhur türk şoumen Rıfat Karlovanın başına atdığı imzadan danışır. Bir neçə il əvvəl təhsil almaq üçün gəldiyi Tayvanda televiziya və şou dünyasına atılaraq şöhrət pillələrini dırmaşan Rıfat Karlova, "Oblivion" filminin Tayvan qalası üçün Taipeiə gələn amerikalı aktyor Tom Kruz ilə "Tayvan MTV" adından müsahibə alıb. Karlova, müsahibədən sonra dünya şöhrətli aktyor Kruzdan başına imza atmasını istəyib. Kruzun bu maraqlı istəyi təəccüblə yerinə yetirməsi görüntüləri, Tayvan mediasında geniş yer tapıb. Türk şoumen Rıfat Karlova, "Etdiyimiz müsahibə o qədər isti keçdi ki, mən də ona bir sürpriz edərək başıma imza atmasını istədim. O, bütün dünyada mən isə Asiyada insanları əyləndirməyə çalışarkən belə bir anı yaşamaqdan bir türk olaraq böyük qürur duydum" deyib.