Ölkəmizdə bir sıra məhşur kosmetika şirkətlərinin məhsullarının saxtasının satılması danılmaz həqiqətdir. Özü də bel əməhsulların tərkibi də insan səhhəti üçün kifayət qədər təhlükəli sayılır. Məsələyə münasibət bildirən Azad Istehlakçilar Birliyinin Sədri Eyyub Hüseynov Mövqe.az-a açıqlamasında bildirir: "Kosmetika bazarı son zamanlar həddindən çox "zibillənibdir". Ən brend dükanlarda belə saxta mallara rast gəlmək olar. Bunun da müxtəlif səbəbləri var. Əhali bilməlidir ki, ərzaq malları kimi kosmetika məhsullarının da üzərində buraxılma və yararlılıq tarixi olmalıdır. Metro keçidlərində, yeraltı keçidlərdə satılan ətirlər, pomadalar birbaşa dəri ilə təmasda olduğu üçün dəri xərçəngi yarada bilir. Lakin mən insanlara deyə bilmərəm ki, gedin bahalı kosmetika alın, o, yaxşı olacaq. Hətta çox bahalı kosmetika və ətirlərin də saxtası mövcuddur. Bizim tədqiqatlarımız göstərir ki, hər hansı brend Azərbaycana daxil olandan sonra 10 gün ərzində onun saxtası hazırlanıb meydana çıxır. Nazirlər Kabinetinin qərarına əsasəsən, kosmetika məhsulları geri alınmayan məhsullardır. İstehlakçı ən bahalı kosmetika alsa belə, o saxta çıxarsa, onu geri qaytarmaq olmur. Ona görə də kosmetik məhsul alanda onun məişət sertifikatını tələb etmək mütləqdir.
Bu problemlə əlaqədar 15 il ərzində 4 adamın hüququnu qorumuşuq. "Parfum de France" və "Arko" kremlərindən şikayət daxil olub və biz məhkəmə yolu ilə məsələni çox çətinliklə yoluna qoymuşuq. Heç məhkəmələr də bu işlərə hazır deyil. Kosmetikanın kirlənməsində 2 səbəb iştirak edir: 1. Bəzi rəsmi distribüterlər özləri brendlə bir yerdə onun saxtasını da gətirirlər. 2. Rəsmi distribüterlər bu biznesin etikasını pozmaq istəmirlər, Hindistandan, Çindən saxta məhsullar gətirib bazarı pis günə qoyurlar. Əgər rəsmi distribüterlər bu məsələləri görüb hay-küy salmırlarsa, təmannasız olaraq fəaliyyət göstərən AİB-nə müraciət etmirlərsə, KİV-də iştirak edib həqiqəti istehlakçılara çatdırmırlarsa, deməli, bazarın bu günə düşməsində onlar günhkardılar. Onlar əsas şirkəti aldadaraq, saxta malları da paralel olaraq satırlar. Bu məsələnin də qarşısının alınması üçün mükəmməl qanunlar sistemi olmalıdır".
İqtisadçı Rəşad Həsənov da məsələ ilə bağlı fikirlərini Mövqe.az-a açıqladı: "Bazarlarda tez-tez məhşur kosmetika brendlərinin saxta məhsullarına rast gəlinir. Bu istiqamətdə zaman-zaman müəyyən tədbirlər görülsə də, hazırki vəziyyət qənaətbəxş deyil və problem öz aktuallığını itirməyib. Belə ki, bəhs edilən sektorda kifayət qədər keyfiyət standardlarına uyğun olmayan və həmçinin tanınmış markaların adı altında satılan məhsullar var. Bu məhsulların təklifi vətəndaşların istehlak hüququnun pozulmasına və qeyri-bərabər bazar rəqabəti şərtlərinin yaranmasını şərtləndirir. Cünki, keyfiyyətsiz və mənşəyi məlum olmayan məhsullar bir cox hallarda insan orqanizmində ağır fəsadlara səbəb olur və nəticədə istehlakçı məzlum, yaxud aldadılmış tərəfə çevrilir. Digər tərəfdən isə bu məhsulların təbii olaraq öz əslindən üçüz qiymətə olması bazarlarda ədalətli rəqabətin pozulmasına səbəb olur. Əksər hallarda insanlar bilə-bilə məhsulun bənzərini almağa üstünlük verir".
İSİM-in eksperti saxta məhsullarla bağlı problemin həlli üçün qeyd edir: "Əlbəttə ki, bu qəbildən olan hallara qarşı aidiyyatı qurumlar daha sərt və kompleks tədbirlər həyata keçirməlidir. Bu növ məhsulların ölkəyə gətirilməsi qəti şəkildə əngəllənməlidir. Nəticədə problemin həllində ciddi uğurlar əldə etmək olar. Lakin bir daha qeyd etmək istəyirəm ki, nə qədər ki, baş verənlər sosial sifarişin fonunda baş olacaq, bazarlarda saxta brendlərə rast gəlinəcək".