Cari ilin ilk dörd ayında Bakıda əhaliyə göstərilən ödənişli xidmətlərin dəyəri 2017-ci ilin müvafiq dövrü ilə müqayisədə 0,6 faiz artaraq 1 milyard 642,8 milyon manata çatıb.
Bakı Şəhər Statistika İdarəsindən movqe.az-a bildiriblər ki, hüquqi şəxslər tərəfindən əhaliyə 1 milyard 28,6 milyon manatlıq xidmət göstərilib ki, bu da xidmətin ümumi dəyərinin 62,6 faizini təşkil edib.
Qeyri-dövlət sektorunda əhaliyə göstərilən ödənişli xidmətlərin dəyəri əvvəlki ilin müvafiq dövrünə nisbətən 0,7 faiz artaraq 1 milyard 294,3 milyon manat olub. 2018-ci ilin yanvar-aprel ayları ərzində hər bir şəhər sakini orta hesabla ayda 167,7 manatlıq və ya ötən ilin müvafiq dövrü ilə müqayisədə nominal ifadədə 4,3 manat çox müxtəlif ödənişli xidmətlərdən istifadə edib.