Cəbrayıl rayonunun Cocuq Mərcanlı kəndinin telekommunikasiya infrastrukturu genişləndiriləcək.
Bu barədə Movqe.az -a “Aztelekom” MMC-dən məlumat verilib.
Məlumata görə, genişləndirmə işləri kənddə yeni evlər tikildikcə aparılacaq:
“Biz şəbəkəni abunəçilərin sayından asılı olaraq genişləndiririk. Kəndin telekommunikasiya infrastrukturu gələcək genişləndirmə nəzərdə tutularaq inşa edilib. Ona görə də miqyasın genişlənməsi bizim üçün problemlər yaratmır”.
Əvvəlcə rabitə xidmətinin 50 evi əhatə edəcəyi nəzərdə tutulsa da, daha sonra bu rəqəm 100-dək artırılıb.