Dönüklərlə bir cərgədə dayanan müxalifət

11 Aprel 2013 11:20 (UTC+04:00)

Azərbaycanın bugünki müxalifətinin mövqe və fəaliyyəti onu göstərir ki, onlar hətta ümummilli xaratker kəsb edən məsələlərdə belə iqtidarın əleyhinə çıxır. Hətta aydın görünür ki, milli məsələlərdə xəyanət sərgiləyənlər olsa belə, onlara qarış çıxmayacaqlar, xalq, iqtidar kimi düşünməyəcəklər. Son hadisələr bunu deməyə əsas verir. Ən ümdə problemimiz olan Qarabağ məsələsində erməni tərəfinin mənafeyinə uyğun mövqe sərgiləyən Əkrəm Əylisli və Rüstəm İbrahimbəyov kimilərinin xalq qınağına tuş gəldiyi bir zamanda onlar adları çəkilənlərin müdafiəsinə bel əqalxdılar. Xüsusən də Rüstəm İbrahimbəyovla bağıl bu hal özünü dah aqabarıq göstərir.
Sadə məntiqlə Azərbaycan üçün ermənilərin kim olmasını və yazılmış əsərin, verilmiş müsahibənin kimə xidmət etməsini görmək çətin deyil. Bu fonda da həmin kəsləri müdafiə edənlərin niyyətləri isə ən azından vətəndaş statusuna yaraşmır. Hətta birləşmələrinin adını Ziyalılar Forumu qoyan təşkilat da fərqli münasibət bəsləmədi.

"Rüstəm İbrahimbəyovun nəslini araşdırsaq, bəlkə də hansısa bir tərəfi ermənidir"

Yeni Azərbaycan Partiyası Gənclər Birliyinin sədri Seymur Orucov bildirir ki, ermənilər edə bilmədiyini həmin ziyalılarımız etdi: "Rüstəm İbrahimbəyovun nəslini araşdırsaq, bəlkə də hansısa bir tərəfi ermənidir. Ya da onun beynində nəsə problemlər əmələ gəlib. Əkrəm Əylisli və Rüstəm İbrahimbəyov ziyalı yox, ziyanlıdırlar. Bu cür insanları müdafiə edənlər bizdən deyil. Azərbaycanlı deyillər. Onların da köklərini araşdırmaq lazımdır. Demokratik dövlətdə müxalifət partiyası qəbulediləndir. Ancaq xalqına, dövlətinə, ümummilli mənafeyə müxalif olmaq qəbuledilməzdir. Ümumiyyətlə, onları və onlar kimi insanları dəstəkləyən insanlar qınanılmalıdır. Onlar xalqa, dövlətə qarşı hörmətsizlik, Azərbaycanın şəhid olan insanlarına, qaçqınlarına qarşı müxalif mövqedə duran insanlardır. Bu cür mövqeləri ilə də bunu isbat edirlər. Yəqin ki, nə vaxtsa, onlar da öz səhvlərini başa düşüb, bəlkə də düzələrlər. Azərbaycanın ən böyük probleminə qarşı belə biganə yanaşan insanlardan müxalifətçi yox, heç vətəndaş olmaz. Onları dəstəkləyənlərin məqsədi Ermənistan və digər düşmən dövlətlərdən nəsə maliyyə və mənəvi güc almaqdır. Onları ancaq satılmış insanlar adlandırmaq olar".

"Onları müdafiə edənlərin öz məqsədləri var"

Yaşıllar Partiyasının sədri Mayis Gülalıyevə görə, Əkrəm Əylisli və Rüstəm İbrahimbəyovu müdafiə etmək ondan xəbər verir ki, Ziyalılar Forumu adının ziyalılar olmasına baxmayaraq, ziyalı metodologiyasından istifadə etmir: "Ziyalı hər məsələyə elmi cəhətdən yanaşmalıdır. Ziyalı hakimiyyətə cəhd etməməlidir. Onlar Əkrəm Əylislini hansı məntiqlə müdafiə etdi? Ziyalılar Forumunun Əkrəm Əylislini müdafiə etməsi onların mahiyyətindən xəbər verdi ki, bu, əslində, ziyalıları birləşdirən bir Forum deyil. Cılız bir partiyanın rüşeymidir. Sonradan göründü ki, "El" Hərəkatı meydana çıxdı. Elə bu hərəkatın özü də Əkrəm Əylislini və Rüstəm İbrahimbəyovu hansı əsaslarla müdafiə etməlidir ki? Ziyalılar Forumunun metodologiyası nəniki fərqlənmədi, əksinə, AXCP və Müsavat Partiyasının illərlə "çeynənilmiş" populist metodundan istifadə edir. Amma bu cür müdafiə düzgün deyil. Bu müdafiə Azərbaycanda gələcəkdə ümumiyyətlə, ziyalıların ictimai – siyasi proseslərə qoşulmasına xeyli ziyan gətirəcək. Ziyalılar Forumu Moskva və digər ölkələr görüşləri vasitəsi ilə ziyalı adını monopoliyaya keçirərək Əkrəm Əylislini, Rüstəm İbrahimbəyovu müdafiə edir. Beləliklə də xaricdə Ziyalılar Forumunun sözünün böyük çəkisi əmələ gəlir. Bu da gələcəkdə çox böyük ziyan gətirə bilər".
Partiya sədri onu da bildirdi ki, onları müdafiə edənlərin öz məqsədləri var: "Qarşıdan prezident seçkiləri gəlir. Bəlkə də onları dəstəkləməklərinin əsas məqsədi, müxalifətin özünü parçalamağa cəhddir. Rüstəm İbrahimbəyovun ictimai – siyasi proseslərdə əhalini "qış yuxusu"na verilməsində böyük rolu olacaq. Çünki, insanlar ziyalılardan böyük işlər gözləyirlər".