Movqe.az xəbər verir ki, "Google"ın
küçələri panoramik olaraq göstərən xidməti "Google Street View"
(küçə görüntüsü) gizliliyi pozduğu üçün çətinlik yaşayır.
Lakin xidmət yenə də istifadəçilərin əksəriyyəti tərəfindən
bəyənilir. "Hyperlapse" internet saytı isə "Google Street View"dakı
bu görüntüləri birləşdirərək çox fərqli videolar qurmağa kömək
olur. "Google Street View" sayəsində yerinizdən belə qalxmadan
dünyadakı bir çox ölkədə küçə-küçə dolaşa bilirsiniz. "Hyperlapse"
saytı isə fərqli bir xidmət təqdim edir. Sayt seçdiyiniz iki
nöqtə arasında Google Street View tərəfindən çəkilən panoramik
fotoşəkilləri birləşdirərək video yaratmağınızı təmin
edir. Google Street View hələlik Azərbaycanın heç bir
şəhərində yoxdur. Bu səbəblə Azərbaycandakı iki fərqli yerə aid
video yaratmaq hələlik qeyri-mümkündür.