Qadınların ürəyi daha kiçik və daha sürətli döyünür. Movqe.Az-ın məlumatına görə, qadın kardiyoloq sahəsində işləyən hollandiyalı həkim Ancela Maas, təcrübələrini türk həkimlər ilə paylaşıb. Ancela Maasa görə, qadınlar gənc yaşlarda ürək xəstəliklərinə kişilərdən az tutulur. Maas, "Qadınların ürək döyüntüsü kişilərdən daha sürətlidir. Bunun səbəblərindən biri qadınların ürəyinin daha kiçik olması və ostrogenin ürəyi işlədən simpatik sistemə təsir etməsidir. Bu səbəblər də qoruyucu bir təsir yaradır." Ancaq qadınlarda menopoz sonrası ostrogen qoruması ortadan qalxdığı üçün ürək xəstəlikləri inkişaf etməyə başlayır. Mütəxəssislərə görə, ürək xəstəliklərindən qorunmağın yolları düzgün qidalanma, nizamlı məşq və həkim nəzarətidir.