Azərbaycanda qədim dağ mədən işi, metallurgiya və metalişləmə sənəti sahəsində arxeoloji araşdırmalar aparılacaq

12 Aprel 2013 17:07 (UTC+04:00)

Bu il AMEA Arxeologiya və Etnoqrafiya İnstitutu Almaniya Dağ Mədən Muzeyi ilə birgə Azərbaycanda qədim dağ mədən işi, metallurgiya və metalişləmə sənəti sahəsində arxeoloji araşdırmalar aparmağı nəzərdə tutmuşdur.


AMEA-nın mətbuat xidmətindən  Mövqe.az-a verilən məlumata görə, bu məqsədlə Almaniya Dağ Mədən Muzeyinin professoru Ünsal Yalçın, Arxeometallurgiya laboratoriyasının rəhbəri Michael Prange və fransız arxeometallurgiya üzrə mütəxəssisi Antoine Courcier Azərbaycan alimləri ilə birgə tədqiqat işləri aparmaq üçün qədim dağ mədəni işlərinin izləri olan xammal mənbələrinin müəyyən edilməsi sahəsində kəşfiyyat işlərinə başlamışlar.


Qeyd edək ki, yaxın zamanlarda Tovuz rayonu ərazisindəki dağ mədənlərində də əsaslı tədqiqat işlərinə başlanılması nəzərdə tutulub.