Uşaqlarda D vitamini əskikliyi çox sıx görülən bir sağlamlıq problemidir. Movqe.Az-ın məlumatına görə, D vitamini çatışmazlığının tez-tez görülməsinin ən əhəmiyyətli səbəbi kifayət qədər günəş şüası qəbul etməməkdir. D vitamininin qidalarla alına bilmədiyini söyləyən mütəxəssislər, xüsusilə yeni doğulan uşaqlarda ilk bir yaşlarına qədər D vitaminin möhkəmlənməsi üçün şərait yaratmağın lazım olduğunu vurğulayıblar. Ana südündə də kifayət qədər D vitamini olmadığını və uşağın gündəlik D vitamini ehtiyacının təxminən 400 modul olduğunu qeyd edən həkimlər, "Ana südündə 200 modul D vitamini var. Bu səbəblə ana südü alan uşaqların mütləq D vitaminiylə dəstəklənməsi lazımdır. D vitamininin damla preparatları var. Bu da təxminən 3 damlaya bərabər gəlir. Biz, uşaqlarımızın 15-ci gündən başlamaq şərti ilə 1 yaşlarının bitiməsinə qədər gündə 3 damla D vitamini almasını istəyirik" sözlərini deyiblər. Lakin D vitaminin çoxluğu da zərərlidir. Belə ki, D və A vitaminlərinin yığılma xüsusiyyəti səbəbiylə zəhərlənmə ola bilər. Bu səbəblə uşaqların yalnız D vitamininə ehtiyacı var. D vitamini zəhərlənməsində uşaqlarda ən çox narahatlıq və qusma görülür. D vitamini əvvəlcə kalsium səviyyəsini yüksəldir, sidikdə kalsium atılımını artırır. Bu da böyrəkdə kalsiumun yığılmasına səbəb olur. Maye alışını təmin etmək əhəmiyyətlidir. Müalicəsi çox da mümkün olmayan bir vəziyyətdir. D vitamini səviyyəsinin öz-özünə düşməsini gözləmək lazımdır. Yağda əriyən bir vitamin olduğu üçün də düşməsi vaxt alır.