Yuxu zamanı musiqi dinləmək yaddaşı gücləndirir

13 Aprel 2013 13:04 (UTC+04:00)

RİA Novosti-nin Almaniyanın Tyubinhen universitetinin əməkdaşlarının tədqiqatlarına əsasən verdiyi məlumata görə, səs stimuliyasiyası əvvəllər əldə edilmiş biliyi möhkəmləndirir və yaddaşı gücləndirir.

Tədqiqatçılar səs stimuliyasiyasının 11 insanın beyninin fəaliyyətinə təsirini öyrəniblər.
Təcrübə göstərib ki, yuxu zamanı musiqinin səsi beyin ritmləri ilə üst-üstə düşdüyü halda, iştirakçılar əvvəllər öyrəndikləri söz biliklərini yaxşı yada salıblar. Belə ki, musiqi ilə beyin dalğası bir-birinə sinxron olmadığı halda isə, səslərlə stimuliyasiya yararsız olub.

Tədqiqatın müəllifi Yan Born hesab edir ki, yeni üsul yuxu ritminin yaxşılaşdırılması üçün bir vasitədir. Alimlər, xüsusilə də ümid edirlər ki, onların kəşfi yuxusuzluq və yaddaş zəifliyi kimi problemlərin həllinə kömək edəcək.