Beynəlxalq film festivallarında uğur qazanan Azərbaycan kinolarının sayı bu gün olduqca azdır. Halbuki son illərdə kinonun inkişafı məqsədilə dövlət bülcəsindən heç də az vəsait ayrılmır. Lakin dünya miqyasında Azərbaycan kinosunun hələ də böyük ğurlarından, müxtəlif festivallardan gətirdiyi mükafatlardan danışmaq hələ tezdir.bunnula bağlı kinorejissor, tannımış aktyor Ramiz Əzizbəyli Mövqe.az-a bildirib: "Bunun bir çox səbəbləri var. Amma ilkin səbəb odur ki, biz kino sahəsində tələb olunan mövzular əhatəsində işləmirik. Tələb olunan mövzular əhatəsi müxtəlif səpkiyə və ya kateqoriyalara aid edilə bilər. Birinci növbədə mövzu təyin olunduqdan sonra sifarişlər qəbul edilməlidir və müzakirələr aparılmalıdır. Mövzu, maraq dairəsi uyğun seçilməlidir. Hər ölkənin mentaliteti, maraq əhatəsi, qanunları, mətbəxi və s. öyrənilib bilinməli və ona uyğun da filmlər çəkilməlidir. Dostluq, beynəlmilləlçilik, sosial, vətənpərvərlik və ya məişət filmləri çəkilə bilər. Amma kim hansı qaydada kino istəsə, çəkə və təqdim edə bilərik".
"İstəyə uyğun filmlərin çəkilməsi üçün bizim
gücümüz, imkanlarımız yetərlidirmi" sualına rejissor belə cavab
verdi: " Xeyr, yetərli deyil. Bizdə rejissor qıtlığı var. Bizim
rejissorlarımız nəinki dünya, heç özümüzü maraqlandıran mövzularda
olan filmlər çəkə bilmirlər. Bu, elə hamısına aiddir. Bir-iki
qocaman rejissorlarumuz qalıb. Ancaq onlara da film vermirlər.
Cavanlar da mövzu nə deməkdir, bilmirlər.
Səbəbini soruşduqda isə xalq artisti R.Əzizbəyli belə cavab verdi: "Gənc kadrlar axtarırlar, qocaman rejissorları isə sayan yoxdur. Cavan rejissorların əksəriyyətinin də savadı yoxdur, dünya kinosu hansı tələblərə cavab verməlidir, bilmirlər. Vəsaiti uşaq-muşağa verirlər ki, get sən kino çək... Bu cür filmlər necə axı beynəlxalq festivallarda iştirak edə bilərlər?!".
Gənc rejissor Mahir Canas Mövqe.az-ın sualına cavab olaraq
bildirdi ki, bizim də filmlərimizin beynəlxalq
festivallarda iştirak
etməsi üçün yaradıcı, texniki baza olmalıdır: " Əslində, kino çox
gəlirli və tanıtımlıq gətirən biznes sahəsidir. Lakin digər biznes
sahələrindən fərqi odur ki, bu sahədə daha çox insan
resurslarından, onların əqli və hissindən yararlanılır. Bu sahəyə
əkin sahəsi kimi yanaşmaq olmaz. Ay bu kiminsə xalasının balasıdır
bunu cəkin, o dayısının gülüdür, bu işi o görməlidir. Belə olmaz.
Çünki quyuya su tökməklə quyu dolmaz. Uzun illər zavodda armatur
daşıyan nə bilir ki, kinoformat, aktyor həyatı, beynəlxalq
görüsşlər, təqdimat nə deməkdir? Bu işi yalnız peşəkar
mütəxəssislərə, yaradıcılıqla ölkəni tanıda biləcək ambisiyalı
gənclərə həvalə etmək lazımdır. 60-70 yaşında hər hansı bir
kinostudiya, prodaktşn rəhbərinin ambisiyası nə ola bilər axı?!
Xala xətrin qalmayan nəsə çəkib tozlu rəflərə atmaq heç kimə lazım
deyil. Necə ki, son zamanlar bu olayların şahidiyik. Çünki
filmlərdə intellekt, dinamika, temporitm, orqanika, ustalıq yoxdur.
Beynəlxalq festivallara adi yanaşmaq olmaz.
Investorlar olmalıdır ki, yatırım etsinlər. Bu sahə çox böyük bir dəryadır, sintez sənətdir. Bir insanın işi deyil. Gərəkdir ki, paralel işlər getsin. Amma qeyd edə bilərəm ki, artıq 6 ildir ki, mən özüm milli kinomuzun inkişafı ilə bağlı çox geniş Layihə-Təqdimat Planını hazırlamışam. Bu planı həyata keçirtmək üçün dəstək olmalıdır. Bu layihəyə əsasən yaxın 10 illik nəzərdə tutulub və məhz xüsusi peşəkar mütəxəssislərlə hazırlanıb. Ən əsas da marketinq araşdırması edib hazırlamışıq. Düzdür, hər dəfə bu problemlə bağlı müəyyən verilişlər olur efirdə, amma hələ də öz həllini tapa bilmir. Yalnız güclü yaradıc-texniki baza olduqdan sonra beynəlxalq festivallarda hay-küy sala bilərik. Təbii ki, kreativ gənclərlə birgə hər şey uğurlu alına bilər. Hər beynəlxalq festivalın öz kriteriyaları olur. Bu kriteriyalara cavab verən filmlər olmalıdır və bizdə də çəkilməlidir".