Fransız məclisi homoseksualların evlənmələrinə və övladlıq götürmələrinə imkan verən qanun layihəsini son dəfə 23 apreldə səs verməyə çıxaracaq. Movqe.Az-ın məlumatına görə, Məclisin ümumi heyətində ilk dəfə 14 fevralda qəbul edilən layihə, keçən həftə cümə günü Senatın ümumi heyətində mətn üzərindəki bəzi dəyişikliklərlə qəbul edilib. Senatda mətn üzərində edilən bəzi dəyişikliklərə görə, layihənin qüvvəyə minməsindən əvvəl son dəfə bir daha məclisdə səs verilməsi lazımdır. Qanuna qarşı çıxanlar dünən Məclis binası qarşısında nümayiş göstəriblər və polis tərəfindən 67 nəfər nəzarətə alınıb. Qanuna sağ partiyalar, mühafizəkar dərnəklər və kilsə şiddətlə qarşı çıxır.
Homoseksual evlilik əleyhdarlarının 26 mayda Parisdə bir etiraz nümayişi etmələri gözlənilir. Paytaxt Parisdə 13 fevral və 24 martda təşkil edilən etiraz nümayişlərinə təxminən 400 min adam qatılmışdı. Fransadakı son ictimaiyyət yoxlamasına görə, seçicilərin 53 faizi homoseksual evliliyə isti yanaşıb, 56 faizi isə homoseksualların övladlıq götürmələrinə qarşı çıxır. Fransada Katolik kilsəsi rəhbərliyi, "Ailə təşkilatını məhv edəcəyi və əxlaqi dəyərlərə zidd olduğu" səbəbiylə qanun layihəsi əleyhinə baxışını irəli sürüb və seçiciləri parlament üzərində təzyiq etməyə dəvət edib.