Movqe.az xəbər verir ki, "Google"ın maraqla gözlənilən smart cihazı "Google Glass"ın bir qisminin satışa hazır olduğu deyilib. İlk mərhələdə 8 min nəfərə paylanacaq gözlüyün təxminən 2 mini sahiblərinə yaxın zamanda çatdırılacaq. Bununla yanaşı şirkət smart eynəklərin texniki xüsusiyyətlərini də göstərib. "Google"ın etdiyi şərh görə "Google Glass" blutuz texnologiyasına malik hər hansı bir telefon ilə birlikdə işləyə biləcək. "Wi-Fi" və "Bluetooth" vasitəsilə ekrana fotoşəkil göndərilə bilinir. "Google Glass"dakı ən əhəmiyyətli xüsusiyyətlərdən biri sümük örtüyü texnologiyasıdır. Bu sistemdə qulaqcığa ehtiyac qalmadan titrəyişlər qulağınızla əlaqəli sümüklər vasitəsilə qulağınıza çatacaq. Həmçinin musiqi dinləyərkən və ya video mühitində söhbət edərkən eyni zamanda xarici mühitin səslərini də eşitə biləcəksiniz.