Bu gün futbol üzrə Topaz Premyer Liqasında VII turun görüşləri keçiriləcək.
Movqe.az-ın goal.az-a istinadən məlumatına görə, ilk dövrənin son turunda 4 qarşılaşmadan 3-ü baş tutacaq. "Qarabağ"ın "Keşlə" ilə səfər matçı 31 oktyabra təxirə salınıb. Bu, Ağdam komandasının müraciəti əsasında baş verib. 6 oktyabrda keçirilməli olan "Zirə" - "Qəbələ" qarşılaşmasının isə bir gün tez oynanılmasına qərar verilib. Bu görüş turun açılış matçına təsadüf edəcək.
"Səbail" və "Sumqayıt" komandaları isə 5-ci dəfə qarşılaşacaqlar. Əvvəlki 4 görüşdən 1-də Bayıl komandası, 2-də "gənclik şəhəri" təmsilçisi qalib gəlibsə, daha 1 matç heç-heçə ilə nəticələnib.
Günün son matçında isə lider "Neftçi" debütant "Sabah"ı qəbul edəcək.
5 oktyabr (cümə)
18:00. "Zirə” – "Qəbələ”
Hakimlər: Rauf Cabbarov, Nahid Əliyev, Elşad Abdullayev, Səbuhi Bayramov
Dalğa Arena
19:00. "Səbail” – "Sumqayıt”
Hakimlər: Əliyar Ağayev, Zeynal Zeynalov, Rza Məmmədov, Vüqar Həsənli
Bayıl Arena
20:15. "Neftçi” – "Sabah”
Hakimlər: Orxan Məmmədov, Yaşar Abbasov, Akif Əmirəli, Nail Nağıyev
Bakcell Arena