Son il ildir baş verən təbiət hadisələri göstərir ki, Azərbaycanın da yerləşdiyi bölgədə seysmiklik kəskin aktivləşib. Belə ki, ötən il avqust və dekabr aylarında qonşu İranda müvafiq olaraq 5 və 6.3 bal gücündə yeraltı təkanlar baş verdi. Bundan sonra isə İranın bərk silkələnməsi bu ilin 9 aprel tarixinə təsadüf etdi. Bu dəfə İranda, Buşehr Atom Elektrik Stansiyasının yaxınlığında baş verən təkanın gücü 6.2 bal oldu. Ancaq İrandakı zəlzələ silsiləsi bununla da bitmədi. Bir həftə sonra – 16 aprel 7.8 bal gücündə zəlzələ İranın cənub-şərqini silkələdi. Lakin ərazidə olan zəlzələlər tək İranla bitmir. Belə ki, qonşu Türkiyədə də bu ilin yanvar ayında 6.2, Rusiyanın Yakutiya bölgəsində isə 6,9 bal gücündə zəlzələ baş verdi. Bundan başqa, az maqnituda olsa da, Gürcüstan, Dağıstanda da bu il yerlatı təkanların müşahidə edilib. Azərbaycan gəldikdə isə bəzən aşağı, bəzən də yüksək maqnitudalı zəlzələr demək olar ki, mütəmadi olaraq qeydə alınır. Elə sonuncu dəfə 19 aprel tarixində ölkənin şimal-qərbində 4 bal gücündə zəlzələ olub. Mütəxəssislər isə bölgədə baş verən təkanların müvafiq qanunauyğunluqlarla baş verdiyi izah edirlər.
Coğrafiya İnstitutunun əməkdaşı Ənvər Əliyevin sözlərinə görə, burada təbii, coğrafi, geoloji qanunauyğunluq var: "Alp-Himalay qırışıqlığında zəlzələlər gözləniləndir. Nəhəng Şimali Afrika tavası yavaş – yavaş Avrasiya tavasını yuxarı sxımaqda davam edir. Nəticədə belə zəlzələlər baş verir. Hətta ABŞ – da çap olunmuş məlumatlara Şamaxı zəlzələləri də düşüb artıq. Tarixən bu ərazilər zəlzələ zonası sayılır. Ola bilər ki, müəyyən bir vaxtdan sonra periodika artır. Hansısa yerdaxili qüvvə toplanır, nəhayət həmin eneji hərəkətə gələrək belə zəlzələləri aktivləşdirir. Ona görə də bölgədə olan zəlzələlər qanunauyğun şəkildə davam edir. Odur ki, belə zəlzələlərin tək Azərbaycan və İran ərazisində yox, İndoneziya, Türkiyə və Pakistan, Gürcüstan digər bölgə ölkələrində də aktivləşməsi ola bilər. Bunlar isə ən çox müsəlman ölkələridir. Hələlik bu sahədə elm və ya konkret şəxslər qabaqlayıcı fikir söyləmək iqtidarında deyil. Zəlzələ təbiətin ən gizli sirlərindən biridir, yerdaxili proseslərdir. Onu əvvəlcədən bilmək mümkün deyil. Ona görə də burada ən yaxşı addım qabaqlayıcı tədbirlərdir.Yəni, bu ölkələrdə tikinti-quraşdırma işləri zəlzələyə tab gətirən şəkildə aparılmalıdır. Belə ərazilər möhkəm konstruksiyadan, Yaponiyanın təcrübəsindən istifadə etməli, 9 ballıq zəlzəyə tab gətirən müvafiq tikintilər aparılmalıdır. Çünki, elə İranın bu gün qüdrətli dövlət olmasına baxmayaraq, zəlzələnin nəticələri göz qabağındadır".
Mütəxəssis İranda baş verən ardıcıl zəlzələlərin süni şəkildə digər dövlətlər tərəfindən edilə bilmə ehtimalına da aydınlıq gətirdi: "Bunu varinat kimi demək olar. Çünki, elm artıq zəlzələ barədə fikirlərini ortaya qoyub. Bu fikirləri elmin dediklərini kölgə altına qoymaq kimi qəbul etmək lazımdır. ABŞ İrandan o qədər uzaq olduğu halda belə bir iş etməyi inandırıcıdı deyil. Dünyada elə bir qüvvə yoxdur ki, uzaqdan yüksək ballı zəlzələni yarada bilsin. Ancaq lokal olaraq xüsusi qurğularla xırda təkanlar etmək olar".
Beynəlxalq Ekoenergetika Akademiyasının sədri, professor Fəqan Əliyev bildirir ki, bizim kainatda bütün təbii hadisələr Günəşlə bağlıdır: "Bütün enerji, müvazinət qanunu, hərəkət trayektoriyaları Günəşlə idarə olunur. Onsuz da son illər Yer kürəsində təbii hadisələr aktivləşib. Bu zəlzələlər təbiidir. Yer kürəsinin ayrı – ayrı qitələrinin sonradan birləşmə forması var. Ərəb yarımadası, Avropa və Asiya qitələridir ki, bunlar birləşəndən sonra Qafqaz əmələ gəlib. Ümumiyyətlə, dünyanın tektonik, seysmloji aktiv olan yerləri var. Qafqazın və İranın özü də tektonik zonalardır. Amma bəzən deyirlər ki, guya bu zəlzələlər kiminsə tərəfindən süni olaraq törədilir. Bu, o qədər də inandırıcı deyil. Çünki, elə ABŞ-ın özündə dəfələlər sunami, qasırğa və s. kimi təbiət hadisələrini görmüşük. Onda bunu İran edir? Sadəcə, təbii hadisələrə hazır olmaq lazımdır".