Mövqe.az NDTV-yə istinadən bildirir ki, medianın "Qudiya" adlandırdığı 5 yaşlı qızı qonşusu oğurlamış, təxminən 40 saat daxmada saxlamış, dəfələrlə təcavüz edərək işgəncələr vermişdi.
Bundan sonra daxmanın qapısını bağlayıb gedən kişi uşağı ölməyə qoyub.
Uşağın inilti səsini eşidən qonşular daxmanın qapısını sındıraraq Qudiyanı xilas ediblər.
Polis toxuculuq fabrikinin fəhləsi, 22 yaşlı Manoca Kumarı hadisə yerindən çox uzaqda, Bihar ştatında həbs edib.
5 yaşlı uşağı zorlayıb ölümcül vəziyyətdə qoyan adamın ilk əvvəl 52 yaşda olduğu deyilsə də, sonradan onun Kumar olduğu bilinib.
Dünən Hindistan Milli Konqresi Partiyasının sədri Sonya Qandi, paytaxt Nyu-Delhinin baş naziri Şeyla Dikşa, DİN başçısı Suşilkumar Şindenin iqamətgahları, habelə Delhi polisi qarşısına yığışmış on minlərlə hindli ədalət tələb edib.
Qudiya Hindistan Tibb Elmləri İnstitutunun reanimasiya bölməsindədir.
Baş nazir Manmohan Siqh günahkarın cəzalandırılacağını, ölkədə qadınların təhlükəsizliyinin təminatı ilə bağlı situasiyada "köklü dəyişikliklərə ehtiyac duyulduğu"nu bəyan edib.