Movqe.az xəbər verir ki, bu ilin sonunda bazara çıxarılması gözlənilən ucuz "iPhone"nin həm qiyməti, həm özü internetə sızıb. "Wall Street Journal"ın xəbərinə görə plastik materialdan hazırlanacaq "iPhone"ların qiyməti 99 -149 dollar arasında olacaq. "Apple"ın IOS əməliyyat sistemini daha çox istifadəçiyə çatdırmaq üçün aşağı seqmentdə iPhone çıxartmağa qərar verdiyi bildirilib. Beləcə ən böyük rəqibi Android əməliyyat sistemi ilə aşağı seqmentdə də bazar payı üçün rəqabət apara biləcək. Bununla yanaşı bəzi internet saytlarından yayımlanan fotoşəkillərin ucuz "iPhone"yə aid olduğu iddia edilir.