Daim yaradıcılıq yenilikləri ilə gündəmdə olmağa çalışan populyar estrada müğənnisi Ayan Bababkişiyeva yenə də ənənəsinə sadiq qalıb. Movqe.Az xəbər portalının məlumatına görə, son aylar repertuarındakı mahnılara davamlı olaraq ekranlaşdıran müğənni, daha bir uğurlu klip layihəsinin çəkilişlərini yekunlaşdırıb: "Əslində klip çəkdirmək kimi istəyim yox idi. Sadəcə stilistim Romanın verdiyi ideya o qədər xoşuma gəldi ki, ideyadan gerçəkləşdirmək qərarına gəldim. Roma təklif etdi ki, Azərbaycanda daxil olmaqla ümumilikdə, 7 millətin xanım obrazlarını canlandırım. Əl qabiliyyətinə yaxşı bələd olduğum üçün təklifinə müsbət cavab verdim. Yəqin oxucularınıza da maraqlı olacaq hansı xalqların qadın obrazlarında görünəcəyəm. Çəkilişlər sona çatdığı üçün sürprizi açıqlayıram. Çinli, yunan, misirli, afrikalı, hindistanlı, qədim avropalı və dediyim ki, doğma vətənimin gözəl xanımlarının obrazlarını yaratmışam. Ümidvaram ki, çəkdiyimiz zəhmət tamaşaçılar tərəfindən layiqincə qiymətləndiriləcək", - A.Babakişiyeva dedi.
Məlumat üçün bildirək ki, klipin rejissoru Anar Hüseynov, operatoru Rza Əsgərovdur. "Make up" (makiyaj) bütünlüklə Roma tərəfindən edilib. Klip çəkilişləri zamanı fotoqraf Çingiz Seyfullayevin zəhməti də az olmayıb. Ekran işi hazırda montaj prosesindədir.
Fuad Mədətov
Movqe.Az
Foto: "Yarasa"