"Gangnam Style" mahnısı ilə böyük maraq yığan Cənubi Koreyalı müğənni PSY-ın yeni klipi "Gentleman" "Youtube"da yenə izlənilmə rekordları qırır. Movqe.Az-ın məlumatına görə, Cənubi Koreya dövlət kanalı "KBS", "Gentlemen" klipində ictimai mala zərər verildiyini göstərən çəkilişlərin yer aldığını, PSY-ın yol nişanını təpikləyərək başladığı videonun ictimai yayımı standartlarına uyğun gəlmədiyi səbəbiylə qadağan etmişdi. Ancaq klip qadağan olunmasına baxmayaraq yenə izlənilmə rekordu qırıb. PSY-ın maraqla gözlənilən və 12 apreldə bazara çıxan mahnısı, 14 apreldə 38 milyon dəfə izlənilərək, "yalnız bir gündə ən çox izlənilən video" olaraq qeydlərə keçib. Bu rekordu, bir gündə 30 milyon dəfə izlənilən "Kony 2012" adlı qısa film əlində saxlayırdı. Bazara çıxdıqdan sonra, 4 gün ərzində 100 milyon dəfə izlənilən "Gentleman"ın "Youtube"dakı izlənilmə sayı bu gün etibarilə 206 milyonu keçib. Xatırladaq ki, "Gangnam Syle" da 1.5 çilyon dəfə izlənilməklə "Youtube"da ən çox izlənilən video olmuşdu.