Aprelin 25-də saat 05.20 radələrində Bakının Xəzər rayonu ərazisində 4 nəfərin xəsarət alması ilə nəticələnən yol qəzası baş verib.
Mövqe.az-ın Daxili İşlər Nazirliyinin mətbuat xidmətinə istinadən verdiyi xəbərə görə, Mərdəkan qəsəbəsinin ərazisində Bakı şəhər sakini Cəsarət Şirinov idarə etdiyi "Mercedes" markalı avtomaşını yolun kənarındakı ağaca çırpıb.
Nəticədə xəsarət almış C.Şirinov və sərnişinləri Elşən Bayramov, Hüseyn Nəzərəliyev və Asim Şahbazov xəstəxanaya yerləşdirilib. Faktla bağlı Xəzər RPİ tərəfindən araşdırma aparılır.