Tanınmış aktyor ac yaşayacaq

26 Aprel 2013 18:27 (UTC+04:00)

Yoxsulluqla mübarizə kampaniyasına Hollivuddan dəstək gəlib. Movqe.Az-ın məlumatına görə, dünyada 1,4 milyard adam gündəlik 1,5 dollardan az  pulla dolanır. Aktyor və "Oscar" mükafatlı rejissor Ben Afflek də dünyadakı aclığa dəstək olmaq üçün maraqlı bir kampaniyaya qatılacaq. Hər il keçirilən "Aclıq Sərhədində Yaşa" kampaniyasına qatılan Afflek, gündəlik 1 dollar yarım ilə dolanmağa çalışacaq. Kampaniya, qatılanların beş gün ərzində 7,5 dollar ilə yaşamalarını nəzərdə tutur. 40 yaşlı Afflek, bu büdcə ilə səhərlər bir qaynadılmış yumurta, günortaya partlamış qarğıdalı və axşamlar da paket şorba kimi ucuz qidaları ala biləcək. "Aclıq Sərhədində Yaşa" kampaniyasına bu il 20 min adamın qatılması gözlənilir.