Tanınmış azərbaycanlı teleaparıcı "döyüldü" - FOTO
27 Aprel 2013 10:02 (UTC+04:00)
Facebook sosial şəbəkəsində tanınmış azərbaycanlı teleaparıcı və
radio dj Səxavət Nurun döyülməsini əks etdirən fotolar
yayılıb.
Şəkillərdə qorxunc vəziyyətdə görünən Səxavət əməkdaşımızın
sualları qarşısında əsl həqiqətlə oxucularımızı özü tanış etdi:
"Məni heç kim döyməyib, heç döyə də bilməz (gülür).
Şəkilləri kim görürsə, təlaş içində mənimlə əlaqə saxlayıb, səbəb
soruşurlar. Narahatçılığa heç bir əsas yoxdur. Bu, sadəcə,
çəkilişləri hələ də davam edən "Çaqqal nəfəsi" serialının
çəkilişləri zamanı üzümə edilmiş qrimdir.
Bu serial mənim ilk kino işimdir. Serialın rejissoru əslən iranlı
olan Babək Şirinsifətdir.
Mənimlə yanaşı, Azərbaycanın tanınmış aktyor heyəti də
kriminal-dedektiv janrında çəkilən serialda rol alırlar. Bir sözlə,
fotolarımı görən oxucularınız narahat olmasınlar".