Türkiyədə səfərdə olan Azərbaycan xarici işlər nazirinin müavini Araz Əzimov Xarici İşlər Nazirliyində bir sıra görüşlər keçirib.
APA-nın Türkiyə XİN-ə istinadən yaydığı məlumata görə, Araz Əzimov ilk öncə nazirliyin aparat rəhbərinin müavini Fatih Ceylanla görüşüb. Görüşdə Azərbaycan-Türkiyə münasibətlərinin bütün sahələrdə yüksək səviyyədə inkişaf etdiyi vurğulanıb. Tərəflər Dağlıq Qarabağ münaqişəsinin nizamlanması prosesinin mövcud durumu, regionda gedən proseslərlə bağlı fikir mübadiləsi aparıblar.
Araz Əzimov həmçinin Türkiyə XİN-in Aparat rəhbəri, səfir Firidun Sinirlioğlu ilə də görüşüb. Görüşlərdə Azərbaycanın Türkiyədə fövqəladə və səlahiyyətli səfiri Faiq Bağırov da iştirak edib.