"Pomada qadağası" Amerika mediasına da yayıldı
6 May 2013 18:02 (UTC+04:00)
Türk Hava Yollarının (THY) stüardessalar üçün hazırladığı qadağa
siyahısı Amerika mediasında əks-səda yaradıb. Xüsusilə pomada və
dırnaq boyası istifadə etməyin qadağa edilməsi ölkədə
"islami dəyərləri dəstəkləmə cəhdi" kimi qiymətləndirilib.
Movqe.Az-ın məlumatına görə, ölkənin ən
mühafizəkar TV kanallarından biri olan "Fox"un etdiyi bu
qiymətləndirmədən əlavə, fərqli nəşriyyat orqanlarının internet
saytlarına qoyduqları makiyajlı stüardessa fotoşəkillərinin altına
"THY stüardessalarını artıq heç vaxt belə görə bilməyəcəksiniz"
şərhini qeyd ediblər. Xatırladaq ki, THY-da işləyən 4 minə yaxın
qadın stüardessaların, qırmızı və çəhrayı pomada yerinə
parladıcılardan istifadə edəcəkləri, saçlarının qulaq üzərindən at
quyruğu şəklində və ya toppuz yığacaqları açıqlanıb, bunun
nəticəsində də daha sadə bir görünüş əldə edəcəkləri bildirlib.