Liverpool– Barcelona oyununun ən yaxşısı bilindi

8 May 2019 12:31 (UTC+04:00)

Çempionlar Liqasının yarımfinal mərhələsinin cavab oyununda Liverpool Barcelona-nı məğlub edib – 4:0.

Movqe.az Goal.az-a istinadən xəbər verir ki, Liverpool-un yarımmüdafiəçisi Corcinyo Veynaldum sözügedən qarşılaşmanın ən yaxşı futbolçusu seçilib. Bu barədə UEFA-nın rəsmi saytı məlumat yayıb.

Oyunun ikinci hissəsində Endryu Robertsonun yerinə meydana daxil olan Veynaldum, komandasının 2-ci və 3-cü qoluna imza atıb.

İlk oyunda 0:3 hesabıyla məğlub olan Liverpool, cavab qarşılaşmasında 4 cavabsız qolla qalib gələrək, finala vəsiqə qazanıb.

Liverpool-un finaldakı rəqibi bu gün keçiriləcək Ajax – Tottenham matçından sonra bilinəcək. Qarşılaşma saat 23:00-da start götürəcək. Komandalar arasındakı ilk oyunda Ajax minimal hesablı qələbə qazanıb 1:0.